fact me, oh yeah, fact me!

Ang dami ko nang drafts, hindi ko matapos tapos. Minsan talaga lusaw ang utak ko. Kaya eto mageentry na ako ng gusto ko lang isulat. 

• Tabian is Cebuano term for talkative, madaldal, o makwento.
• Makulit. Madalas pa sa madalas eh may topak. Maingay (on a normal bases) pero tahimik pag may sumpong.
• Gustong gustong pumayat pero pang construction worker kung lumantak ng chibog.
• Extra rice is ♥.
• Nag gym narin noon. 1 week lang naging religious sa pagpunta, naging once a month, nainip at tumigil.
• Gusto maging chef. Kaya magsaing ng kanin, prito ng itlog at expert sa instant noodles.
• Mahilig sa pancit canton. Nakakaubos ng 3 pakete sa isang upuan lang, hindi ko alam bakit. Chili-mansi paborito kong flavor.
• Pag nagluluto ng instant noodles dapat 2 eggs. Mas maraming egg, mas masaya (wag green, sadyang mas masarap pag dalawang itlog).
• Mahilig sa siomai, ginabut (chicharong bulaklak), balut at street food. Mahilig din magkakain sa bangketa, rubbing elbows with the ordinary people (feeling extra ordinary daw ba ako?).  
• May short attention span, mainipin for short. Isang kutsarita lang ata ang pasensya ko sa maraming bagay.
• Hirap matulog pag walang kulambo sa paanan. Oo, ako na ang may sakit at weirdo pero mula ng bata pa ako eh ganito na ang habit ko. Ganito rin ang mga kapatid ko. Hindi ko rin mapaliwanag, kung may scientific explanation kayong nalalaman, please enlighten me. *hehe*
• Hirap matulog kung may katabi. So good luck to me in the near future, at good luck na rin sa husband (kung meron mang dumating. *fingers crossed*)
• Frustrated Veterinarian. Mahilig sa hayop, except sa mga animal kong ekis (bitter much?).
• Mahilig sa kulay RED. Oh yeah!
• Morbidity is an understatement pagdating sa movies.
• SAW. Favorite movie of all time.
• Curious sa maraming bagay.
• Independent.
• Positive thinker (except for the pregnancy kit..nyuk!)
• Masayahin.

O sya, yan na muna. Major facts tungkol sa inyong lingkod, bow! 

"caught in the act!"

paalam

Walang pagsidlan ang aking kalungkotan ng ika'y lumisan

Hindi ko inaasahan na sa maikling panahong tayo'y nagkasama ako'y iniwan mo na

Sa tuwing ika'y aking kapiling, ngiti ang lagi mong dala 

Ikaw ang nagbigay ng  mga ala-ala, ng mga kahapong kay saya

O bakit lumisan ka

May luha, pighati at lumbay sa iyong pagkawalay

Batid kong maiibsan rin ito mahal ko

Kaya sa huling pagkakataon ito ang tanging alay ko

Paalam

Paalam mahal kong Ex

Paalam

-

-

-

-

-

-

January 2009 - March 2011

blurt of the day

"So what God is saying here is get drunk. It’s totally cool. Just clean up afterward."

                                                              -Neil Straus 


(An excerpt from- The Meaning of Life and the Secret to Happiness) 


 Big thanks to Jakey Junkie The Bunny for the link. Pindot!

wholesome ako...promise!

  I've been watching TV series for quite sometime now. Gossip Girl, CSI, Beverly Hills 90210, Big Bang Theory, Outsourced and Criminal Minds to name a few. At umeenglish na naman ako, nyuk! Eto na nga, kasi may bago akong kinahuhumalingan ngayon and I bet sa mangilan-ngilan na nagbabasa ng blog ko (kung meron man, salamat) ay eshashare ko lang. This is one of the series that you won't regret watching (may plugging talaga on the side). This is so life changing, parang 700 Club lang. And here it is... *drum roll*

Season 1

Season 2

Blood, gore, and sex. Dahil ako na ang weirdo at likas na mahilig sa madudugong eksina, eto na talaga ang hulog ng heaven sakin. Walang keme ang series na itey, patayan kung patayan. A story of a man turned into a gladiator by fate, in short wala syang choice. Kung nanginig ang laman mo sa 300 na movie, dito kikiligin ka sa mga eksina, hindi dahil mushy or may nag HHW kundi dahil siksik, liglig at umaapaw ang dugong lumalabas sa patayang nagaganap. Alam kong parang nag back read ka sa blood, gore, and SEX. Yep, you've read it right. Spot on kung baga. Soft porn daw sabi ng kabarkada ko. In fairness may disclaimer naman sila.  

"Spartacus depicts extreme sensuality, brutality and language that some viewers may find objectionable. The show is a historical portrayal of ancient Roman society and the intensity of the content is to suggest an authentic representation of that period."

Pero parang isang episode ko lang nakita 'tong disclaimer lumabas. Hindi rin ako na warningan na may mga hindi pambatang eksina na magaganap.(weh?) Baka na forward ko lang siguro sa mga boom boom pow scenes. Naka 2 seasons lang ang series na eto hindi dahil na ban sila of some sort, kundi dahil si Spartacus (Andy Whitfield) eh nagkacancer. Henyways, hindi ko na pahahabain eto, kayo nalang ang mag discover how life changing ang series. 


Eto mga patikim:

"mainit ba koya?"

"mainit din daw sabi ni ateh"

"si Xena at si koya sa The Mummy"

"wag dyan, may kiliti ako dyan"

"hindi 'to aandar, so wag mong pindotin...masyado kang excited"

Note: Thanks to mr. google sa mga piktyurs.

sonofabeach

Dahil kating kati ako na magpa-araw at mag swimming, nagyaya ako sa barkadudes ko na mag beach last Friday. Impromptu, go lang over the weekend. 
Sa kasamaang palad eh hindi nagpakita si pareng sunshine at nagtampo yata. Umulan buong araw ng Sabado. Dahil sa frustration ko, napapanaginipan ko na nasa beach ako. 
Kinagabihan ng sabado uminom nalang kami. Kahit sa inoman eh yown at yown parin ang pinaguusapan namin. Kung bakit hindi pumayag si papa jes na magpa-tan kami. Mga madaling araw na ng tumigil ang ulan. 
Para kaming lintang nabuhusan ng suka sa excitement. Here we go final na eto, beach kung beach! Pumunta kaming molabola (Moalboal). Its a two hour bus ride from the City. Larga!
Umalis kami na tirik na tirik si sunshine. Sumakay ng bus, at kahit sa layong dalawang oras na byahe eh hindi namin ininda. 
Dahil sa excitement pinagdisketahan kong piktyuran sila koyang nagbebenta ng ice tubig, chicharon, at isaw. Si manong driver at kahit paa ng mga kasama ko eh pinunterya ng aking lente.

"oh yeah! on the way to molabola"

Syempre sulit to the max ang saya dahil sa kanila...

"ang aking mga kaladkarin barkadudes"

The sun, sand and the beach...olala!

"pang postcard piktyurs :)"

At hindi pwedeng ma-absent eto...

"obligatory jump shots...yeah baybeh!"

Before mag babye...

"sunset piktyurs...aylavet!"

Over all eto lang yown eh...

"tabian-pretending-to-be-a-serena look"

Hindi ako naging tan. Nahulog pa ang aking camera at nasira. 

Pero na enjoy ko ng bongga ang getaway namin. 

All in all, it was a blast! Obyus much? 

PS. 

Dahil mainit sa beach, eto ang nasagap ng aking camera...

-

-

-

-

-

-

-

-

-

-

-

-

-

-

"boom boom pow sa tabing dagat...huwaaaaaat? *big grin*"

blurt of the day

"Assumption is the mother of all f*ck ups"

                                                               - Anonymous  

pamilya

Happiness :)

Nahalungkat ko sa baul. Eto lang ang family picture namin na kompleto kami. Summer yown hindi ko na maalala ilang taon ako, vacation with the whole family sa Siquijor. Ang lampayatot ko pa dito. Kamusta naman ang bathing suite ni mudrax at ang abs ni fader. Halatang namimis ko lang talaga ang pamilya ko. *teary eyed*

the beer, the videoke, and the scandal

Its Sunday..ay Monday na pala. Maraming nangyari sa amin kanina (if I may say) dahil inumaga na naman ang tagayan sessions namin. While I'm writing this entry ay on going pa rin ang session. Sa totoo lang hindi ko talaga ma gets kung bakit napaka possessive ng girlfriend ng kabarkada ko sa kanya. Ganito kasi yown, we went out since umuwi ang kaibigan namin from Manila. So get together ang show. Kumain tapos ang usual routine catching up over a bottle of beer or so. Syempre sinama namin ang kabarkadang  may gf na super hitad at insecure nyetaness. Nakakasama lang namin ang barkada naming yown pag wala ang hitad or may war of the worlds sila. Parang mabibilang ng isang kamay ko ang beses na makasama namin sya, so usapang walang humpay, tawanan at ukrayan to the nth level. Itago nalang natin sa pangalang sun ang barkada ko. Si sun may trust issues na talaga sya with the gf, pero that was so long ago, and take note they're still together despite that fact. Ang hindi ko maintindihan kung bakit kahit kami ang kasama eh aligaga etong si ateh. Parang kapatid lang ang turingan namin ni sun, matagal na rin kaming magkabarkada so parang incest na kung patulan namin sya. Nag open-up si sun na hindi sila ok, at parang wala na syang gana sa sex nila. Kahit kiss nga eh hindi na nya ma atim. So there's no point to stick with the relationship if wala na talaga. Ang rebuttal ng gago naawa daw syang iwan sya. Sabi ko sa kanya " engot ka pala, kung pity lang yan eh wag na kayong maglokohan. Nyeta hindi mo na mahal, bat mo pa patatagalin?". Si sun tulaley at walang ma isagot. Bilang, matagal na nilang issue yan at ulirang kaibigan nerespeto ko desisyon nya. Ganyan naman talaga eh, hanggang advise ka nalang, nasa sa tao na rin kung gagawin nya yown. The whole time we were together bukang bibig nya ang problema nila. Marami akong sinabi, kesyo masyadong syang push over kaya ginagawa ng hitad na yown sa kanya, sya ang may balls - dapat na magmatigas naman sya at umalis nalang muna, at pumapayat na sya sa pangyayari. It was always the same conversation that we have. Nagiging cycle na nga lang ang lahat, today ok sila, kinabukasan aatake na naman ang di ko na eexplain... Sa kasarapan ng videoke at inoman namin, hindi ko namalayan na tumatawag na pala ang gf ni sun sa aking selepono. Ngumangawa kami doon na parang wala ng bukas, so expected na di ko talaga mapapansin ang tawag nya. Biglang may nag open ng pinto sa videoke, gf ni sun. Umuusok ang tenga at ilong sa galit. Ang siste kasi, pinapauwi na pala si sun eh sa nag eenjoy pa sya at late narin ng sumabay samin. Tumatawag din pala sya sakin para pauwiin na sya. WTF? Parang eksina sa pelikula, nanlaki ang mata ng hitad samin, hinila nya si sun at sinampal ng walang ka kem-keme. Ay nag scandalous acts ang gaga, hinampas ang pinto at muntikang magwala. Na shock much ang beauty ng tabian and friends. Hindi namin inakala na she would go that far to get his man to go home. Pinigilan ni sun si gf sa pagaway samin. Lumabas at nagusap. Hindi kami kumibong magbabarkada. Pero dahil sa abnormal kami, tuloy ang kanta (sayang naman ang babayarang oras noh?). Binukas muli ni gf ang pinto sabay sambit na " kanina pa ako tumatawag, kanina pa ako sa labas, you know how that feels? So masaya na kayo?" at nakatutok pa sa'kin. Hindi ko sya pinatulan. Gusto ko sana syang sabunotan, sa laki kong 'to tignan lang natin kung hindi ka manghiram ng mukha sa aso. Pero dahil barkada ko si sun, I didn't stoop down to her level. Umalis silang hindi ko alam kung na fix ba, nagkalimotan sila all the way sa bahay, tinarak ba nya ang kutsilyo kay sun or either ways, or naging ok ang lahat, at magiging cycle na naman ang nangyari. Patapos na ang entry kong eto pero hindi parin dumarating ang barkada kong si sun. Last text nya samin, aalis na daw sya doon (oo,live in sila and it makes it harder for things to happen) at itutuloy namin ang session. Wala ni anino. At a single's point of view, hindi ko lang maintindihan kung bakit hindi nya maiwan-iwan ang gf nya, eh hindi na naman nagwo-work ang lahat sa kanila? As far as I can remember, may bf pa ako eh issue na ito, ngayon na single na ako at wala na ang mga hinayopak kong boypren ay ganito parin? I pity both of them. Sa opinyon ko lang, staying for the comfort and having a relationship just for the heck of having it is such a waste of time. Pity will never be enough to fill the hallow spaces of the f*cked up relationship. When you loose trust, parang thank you nalang lahat, unless you're willing to forgive and forget. Hahay ewan!















 Tagay ko na pala...

randoman sa last day shift

office - monitor - keyboard - mouse - notes - coffee - usb - chow mien - nachos -  break sked 

"office anik-anik"

Happy weekend everyone! :)

Blurt of the day

" Kung wala kay valid ID, does that mean   di ka valid person?"

                                           - Tabian

mangaon nata!

Dahil dyeta ako, walang gana at may lock jaw, nagyaya akong mag food trip last Sunday. Pumunta kaming The Gallery para umpisahan ang krimen. First stop, Boosog, homegrown Cebuano restaurant specializing in authentic Filipino and lutong bahay dishes at unbeatable prices. Naks! Parang commercial lang. Ang susunod nyong masasaksihan ay ebedinsya ng krimen...

"Ready, set...kainan na!"

Boosog Lasang Pinoy Restaurant

"Only in the Philippines...hehe"

"Order time"

"ang walang kamatayang bottomless iced tea.." 

"Squid with ata - hindi ko alam ang ata sa tagalog, basta yung black ink ng squid yown...hehe"

" in all fairness masarap sya..smile ako pagkatapos"

"Chicharon Bulaklak - heart stopper"

"crispy and yummy..."

"Bam-i - pancit guisado chorva"

"pampahaba ng buhey"

"the after math...hehe"

"damaged, cheap and cheerful"

In all fairness the food tasted good. Very homey ang lasa and the serving was quite ok. Kung gutom much baka sakto lang sayo, pero kung pang date lang at gusto mong pakyut na kain, eh good for two na serving nila. Hiningal ako pagkatapos, kamusta naman ang unlimited rice, which by the way my weakness. *big grin*  Boosog is so busog much .

Syempre hindi pahuhuli, I still had room for dessert at that time. Next stop, FIC (fruits in ice cream). Sabi kasi ng kaibigan kong mahilig mag food trip din, worth it ang mga ice cream nila and I should try their butter scotch flavored ice cream baka kasi daw makalimotan ko ang pangalan ko. At hindi ko na pinalampas. We went to The Pantry , which is a few stores rin lang from Boosog. The place was a deli/dessert/sandwich shop. 

"may mga coffee, wine and special Spanish sardines" 

"Some of their ice cream selections"

"they also have yummy cupcakes..nomnom"

"eto pa..nakakatakam"

"yum,yum.."

"sorts of cupcakes and cakes, hindi na ako lumapit...mahirap na"

"Butterscotch ice cream - dahil nga dyeta ako, eto lang inorder ko"

"pansinin ang dalawang kutsara"

"asan na ang isa?"

"tada! may tooth ache po ako, walang gana much..."

I was looking for a word to describe the taste, ang ending na tameme nalang ako sa sarap. Umalis kami doon na bundat. *burp*

Hi, thanks for calling...

I've been with the call center industry for quite some time now, running 4 years to be exact. At umeenglish na ako, pero first sentence lang dahil baka ma comatose ako kung itutuloy-tuloy ko pa. Noong una trip ko lang mag-apply kasi sabi nila you'll just sit there and talk and cheching, instant money. I have this notion that its a no-brainer-job. But I was wrong, as in super bonggang ekis. Umaalis ako sa amin na dala lang ang lakas ng loob, 3k + barya sa pitaka, at isang kutsaritang english na hinukay ko pa sa baul. Nakipagsapalaran sa ibang lugar, iniwan ang pamilya at naging hampas lupang call center agent. Maka ilang beses ding hinambalos at pinagdutdutan sa pagmumukha ko na hindi pwede ang english ko kasi dapat may tuwang , tweng, twang kung ano man yown, basta dapat daw may american accent akew. Sa dinami-dami ng inaplayan ko sa awa ni papa jes eh natanggap ako. Ang alam ko lang dapat nasa customer service na department ako, pero ng nagparoleta ata ang mga lamang lupa eh sa technical support ako gumulong at bumagsak. Eh ang alam ko lang naman noon sa computer ay pag patay, as in pindotin ang button para e-off at pindot uli neto para e-on at mas mabagal pa sa pagong na sumali sa triathlon kung magtype. Nang nag training nga kami dumugo hindi lang ang ilong ko pati na rin utak, puso, atay, lamang loob, at kung ano pang pwedeng magdugo. Hemorrhage kung hemorrhage. 
May mga bagong term akong nalaman. Kesyo memory, motherboard, hard drive, parallel port, usb, BSOD at kung anik-anik. Kasi ang support namin eh mag trouble shoot ng computer over the phone. May virus, spyware, adware, trojan at kung ano pang lamang lupa na umaatake sa computer na dapat din naming e-address. So kung humina na ang powers ng pc mo at wala namang masyadong files, wag nang mag streaming ng porn, baka makasagap lang ng masamang espiritu. Humanda sa massive OSRI (operating system re-installation) or bura to the nth level. Lesson learned the hard way. *teary eyed*
Hindi ko 'to alam noon, hindi rin pala dapat na pindotin lang ang button para e-off at e-on ang pukyoter. May shutdown pala. Nyuk! 
Sa tagal ko sa industriyang itech, bukod sa mga computer terms eh marami pa akong nalaman, na experience at nabahaginan. Naging iba ang takbo ng body clock. Na sanay matulog sa araw at kumayod sa gabi. Pokpok kung baga according to ser maldito. Ang kape ay 'di lang pang umaga, eto ang nagpapagising at bumubuhay sa katawang lamang lupa na tulad ko. Samahan mo pa ng yosi, swak, buhay  na sa magdamag. AHT, QA, FCR, Avaya, headset, scorecard ay ordinaryong termino. Lunch kahit hindi naman sa tanghali. Pag-uwi ko umaga na, mga kasabayan ko sa jeep amoy bagong paligo, ako...never mind. Sa gabi naman ako ang amoy bagong paligo at sila naman ang amoy araw, anghit at may putok. Sanay masigawan at murahin sa telepono, eh ano ngayon malayo naman sila. Hindi pwede and super sensitive, baka maiyak lang sa pinagsasabi ng mga puti. Pwede rin namang magmura, 'wag lang kalimotan pindotin ang mute button. *big grin* 
Dahil din sa trabahong eto napagtapos ko ang mga kapatid ko, ate sa umaga, singer sa gabi... oi parang hindi ako yown. Yeah seriously, (seriously daw oh?) natulungan ko ang aking parents sa pagpapaaral ng mga kapatid ko, sa awa ni papa jes uli nakatapos din sila. Bumobonggang thank you din ako sa trabahong 'to kasi nang magkasakit si erpats eh may health card na sumalo sa gastosin, minsan nga lang sa kadalasan nya sa hospital eh gusto na atang doon nalang tumambay. Hahay, kay hirap talaga magpalaki ng magulang. (sa next post ko nalang e-elaborate) 

Tumagal ako ng 3 years sa una kong company, tumagal ako ng ganon ka haba sa pag trouble shoot ng computer. Sa ngayon printer naman ang tinatrouble shoot ko sa ibang company na. Hindi ko alam kung hanggang kelan ako sa bago kong company, hanggang kelan ako magtatake-in ng calls, hanggang kelan ako magiging hampas lupang call center agent. May mga pangarap din naman ako, gusto ko rin naman mag-artista wala nga lang time, chos! Pero next time na siguro yown, sa ngayon happy pa naman ako dito. 
Maraming nagsasabi that the industry I'm in right now eh hindi pang matagalan, kung baga its just a phase. May point nga naman sila, sino nga naman ang gustong tumanda sa trabahong eto na bukod sa night shit shift eh stressful pa? Hindi nga naman healthy. Para sa akin kahit noon pa, stress is a state of mind. Kahit pa siguro anong trabaho may kaakibat na stress, nasa tao naman na siguro yun kung paano e-handle, diva? Maraming pros and cons pero nasa pakikibagay lang siguro yown. Kung keri ng powers nyong pumasok sa gaya ng industriyang eto, go! Malay nyo dito pa kayo yumaman. Pak!

"yikes! taba ng mga daliri ko"

Disclaimer: Hindi po ako yumaman sa call center, hanggang ngayon eh hampas lupa at kayud pokpok parin ako.